[影像筆記]《獨生之國》ONE CHILD NATION
Mar 13, 2021
[影像筆記]《獨生之國》ONE CHILD NATION
-Visually好compelling，戲入面好多repetitive畫面，一開始好多中國軍人步操／幾十張報紙印咗成百上千棄嬰尋父母／幫人落刀做abortion嘅醫生收山之後只治不孕婦女，而收到的上百面感謝錦旗／收養左3個中國女嬰的美國夫婦自行調查嘅DNA DATABASE數字。每個影像都係指緊向千人一面。
Hannah Arendt講嘅平庸之惡。因為計劃生育政策，醫生收到政府命令，要為生育咗一孩嘅婦女結扎，甚至為懷有八、九個月大胎兒嘅女人墮胎。醫生收山後，只係專治不孕婦女，坦承自己滿手鮮血，係親手殺人。仲有當時嘅計劃生育員，係社區入面扮演監控角色，如果生左一個想再生，會拖個女人去做絕育手術。
拍紀錄片嘅過程，越走越近個答案。導演因為自己做咗老母，而去拍返自己嘅故事，期間發現自己舅父遺棄佢個女兒，擺低20蚊但無人要，過咗兩日死咗。拍拍下再發現，自己做過的研究，原來有美國夫婦同流亡大陸記者做過，佢哋見面之後，就發現將一孩以外嘅小朋友拐帶去孤兒院再外銷，呢個操作根本係國家默許，更甚係鼓勵。除此之外，竟然成功搵到一個喺美國被領養的中國女嬰嘅原生家庭。
Propaganda滑稽。中國propaganda總係有種大媽柒味，而獨裁國家總係特別多標語，由「一個孩子好」變咗做「一家准生兩個寶」，相隔只係35年。拎走無數生命。
哈維爾講嘅活在真實之中。最近成日都記住呢個說話，到底點樣係暴政橫行的大時代保持自我，守住自己底線? 片中經歷過一孩政策的父母都話，當時政策嚴打，無辦法抗衡，講得最多一句就係「我無辦法選擇」。係獨裁面前，身體真係廉價，國家要你點用你就點用，要點用你，你就成為點嘅模樣。