Fujifilm X100F- mighty travel buddy

上個月放假去咗中國北京旅行，只係帶咗部X100F，唯一考慮係輕身。加上11、12月北京日間0度左右，著哂厚衫羽絨根本上係好reluctant郁來郁去，419gram係唔錯。同埋細細部黑色個樣好tourist，好少人會避你。

畫質
要聞相就唔啱了，你放大啲相一睇就好唔sharp的，但放instagram我覺得夠。

Viewfinder
幾年前曾經擁有過一部X100，當時覺得個hybrid viewfinder好正，可以好似OVF咁睇到實景，又有EVF嘅電子功能顯示資訊（例如水平、 曝光率、白平衡）。但可能近期影相都主要靠EVF，今次用X100F竟然無特別用viewfinder，仲覺得無反mon唔方便。

對焦
我覺得富士對焦真係唔差，絕大部分時間好夠用，joystick控制對焦點方便。

我知好多人唔鍾意中國，但我覺得要認識中國。幾年前讀大學時，曾經喺北京讀過幾個月書。而過咗幾年再喺度生活咗一個月，有好多事我都大開眼界的。

基本上，好多商場你都會見到啲好似電話亭嘅K房，一間最多只可以兩個人入去，好多人喺商場食肆等位時會去唱返陣。有日路過三里屯，見到有K房，入面有開放舞台仲有堆電話亭K房。最諷刺係間店叫自己做livehouse :O)其實佢係《 全民 K 歌》APP嘅實體店，由騰訊投資的。個日晏晝去到，有堆後生女嚟咗，話返工放break會成日嚟hea，有同事會去唱歌。

潘家園好多古玩賣，完全唔知點解會去睇lol probably係因為好近住的地方。